Arbeidsmarktregistratie

Arbeidsmarktregistratie(AMR)

 

AMR ta un departamento di DPL cu ta atende unicamente cu dunado nan di trabao pa locual ta trata proyeccion entre demanda y suministro laboral pa e promixo aña, esaki ta sumamente importante pa asina DPL por traha di antemano conhuntamente cu scolnan, institutonan di educacion y dunado nan di trabou pa asina por produci y ofrece suficiente trahado nan local.

 

 AMR ta enfoca riba e necesidad di dunado nan di trabao riba nos Mercado laboral pa e aña siguiente, ta haci esaki abase di un formulario cu mester wordo yena pa dunado nan di trabao y wordo entrega tur aña na AMR. Sin e formulario aki aproba un dunador di trabao no por haci e proceso nan conforme maneho na e otro departamentonan den DPL.

 

 Pa locual ta trata rekesitonan exigi pa entrega un Arbeidsmarktregistratie, tur esakinan ta poni riba e prome pagina di e formulario estilo “checklist”. E dunador di trabao mester cumpli cu tur e puntonan corespondiente na su sector laboral pa asina por entrega e formulario y haya aprobacion despues.

 

 

 

 

 

E formulario aki disponibel tambe riba e website aki na e seccion di “Formularionan” caminda cu un y tur por subi y download e formulario di AMR cu ta cuadra cu su necesidad mirando cu tin cuatro diferente sorto di formulario di AMR, esakinan ta reparti den sectornan laboral manera Horeca, General, Limpiesa-Hardineria-Seguridad y Construccion.

 

Pa por entrega e formulario di AMR mester haci un cita online prome via nos email na: dpl.arbeidsmarktregistratie@aruba.gov.aw. Na momento cu haya un cita y entrega e formulario via email y si resulta cu tur informacion ta cuadra ta ricibi un “bewijs van indiening” digitalmente, por dura 10 dia di trabou of un tiki mas (durante e periodo aki DPL por haci un control na e compania pa mas informacion) prome cu esaki keda cla y entrega bek aproba na e cliente. AMR ta mantene un database di informacion cu ta esencial pa yuda traha of adapta manehonan existente riba e tereno laboral si ta necesario.

 

Loading...